مسبحه الحمص جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- كاستين حمص حب
- ملعقتين طحينه كبار
- ملح
- ملعقتين عصير ليمون
- للوجه: لحمه مفرومه
- ملعقتين زبده او سمنه
- 1 مننقع الحمص قبل بليله ومنسلقو تاني يوم مع نص ملعقه صغيره بيكربونات الصودا حتى يستوي
- 2 منرفع الرغوه يلي بتطلع على الوجه وبدو تقريبا ساعه ونص لساعتين
- 3 منصفي الحمص من المي منحط حبات الحمص بمحضره الطعام او الخلاط ومنخلط منضيف عليهم الطحينه والملح والليمون مع اضافه مي بارده كتير حتى نحصل على القوام المطلوب ومنزل مع المي شويه زيت تقريبا ملعقتين كبار
- 4 منزل المي شوي شوي حتى نشوف القوام صار منيح طبعا مندوق ومنعدل اذا بدها ملح او حامض
-
5
منقلي اللحمه المفرومه بلزبده او السمنه مع ملح وفلفل حتى تنشف ميتها وتستوي منيح منضيف معها اذا بتحبي صنوبر او لوز منفرد لمسبحه بصحن التقديم مع رشه فلفل احمر حلو ومنزينو باللحمه على وجه بالعافيه
يجب عليك تسجيل الدخول لتتمكن من التعليق وإضافة تجربتك لهذه الوصفه
